COMARE CHE BORA
(di “Ermanzio” – S. Negri)
La sburta, la sbati,
El naso la impiza,
La iaza le ioze
Che in tera se schiza.
La sufia de soto,
La sufia de sora:
Ferai e camini
La manda in malora.
Comare, che bora,
Comare, che inferno,
Che vadi ‘n malora
La bora e l’inverno!
Co’ un colpo de bora
Un sior se scapela,
Le cotole in aria
Ghe va ala putela.
Va via la paruca
De qualche veceto,
A quel dei maroni
Se svoda el bancheto.
Comare, che bora,
Comare, che inferno,
Che vadi ‘n malora
La bora e l’inverno!
La porta nei oci
Sabion e scovaze,
I muri la passa,
La passa le straze.
La va dapertuto,
Ma questa xe bela:
Che ti te la trovi
Perfin in scarsela!
Comare, che bora,
Comare, che inferno,
Che vadi ‘n malora
La bora e l’inverno.
Nessun commento:
Posta un commento
Per piacere evitate i commenti anonimi