EL  DIALETO

" La me scusi, ma i me spingi! "

" Coss te scendi anche ti? "

" La me apri qua de drio? "

" El borson lo prendo mi "

 

Più no i sburta, più no i smonta,

più no i verzi, più no i ciol...

Le straneze no se conta

co' parlar finoto i vol!

 

Ti te scivoli sul iazo,

qua no sbrissa più nissun.

Tanti russa quando i dormi;

sì, ronchiza qualchedun.

 

Chi disbrata più la casa?

Chi se magna i articiochi?

" La me taia el polo a pezzi? "

" Go mangià lepre coi gnochi "

 

Del dialeto un luminare

in TiVu ieri go inteso.

No'l ga dito " distirà ",

ma che 'l can iera " disteso ".

Questo nostro bel dialeto

el xe sta ben resentà.

Pardon! Voio far la fina

" El xe stado risciacquà "

" Ve portemo a casa noi? "

Nostro fio do muli ciama.

" Grazie no. Spetar dobiamo.

Viene a ciorci nostra mama! "

                                        Silvia Lepore

 Poesia postata da Sergio Degli Ivanissevich