SANGUE TRIESTIN

 

                                                 SANGUE TRIESTIN


Mio pare patoco, mia mare furlana
e nona paterna po xe carinziana,
bisnono, sicuro, el iera polaco,
su moglie defonta, vigniva dal taco.
Ma nona de nona, mi son Debegnac,
de sbriss col francese ga avu' el patatrac,
-de Napolion xe restadi impatai
con mule nostrane parechi soldai-.
La suocera zerto, xe proprio ungherese,
la magna con paprika fin le zariese,
per questo el cudic la ga sempre mia moglie
se pur la ga el pare che vien de Hrastovglie;
mia gnora xe inveze 'na grega corfiota,
ebreo ghe se el pare, la mare cesota.
Che razza che semo? Ma cio', fiol d'un can,
te senti, iebenti, che parlo italian!
E in quanto a caratere, estro e morbin,
per marca de fabrica son Triestin!


Tratto da "Paprika e morbin" di Laura Borghi Mestroni
edizioni Italo Svevo 1985